如果我同你講白石美帆呢位電視藝員轉拍AV，你可能會話唔知佢係乜水，無乜興趣知，但如果我話佢就係電車男入面成日辱罵男主角果位惡死OL，相信你一定有印象啦？無錯，就快三張野(生於1978年8月8日，四條八)嘅白石美帆，最近被傳從藝能界轉戰AV，係日本藝能界都算大新聞，雖然之前有唔少女藝人轉拍AV，但大多只係名不經傳嘅三、四線，以白石呢種一、二線來講，的確幾觸目。

事實上，以年紀近三張野而一直係藝能界浮浮沉沉嘅女藝人來講，上唔到位就始終係上唔到，繼續捱落去只有等變甘草，轉拍AV無疑係一個上位機會，問題係AV女優紅極都好短暫，白石又唔算頂級美女，結果又會係點呢？大家靜待佢嘅AV首作面世吧！(我當然希望傳聞係真啦)